हाम्रो बारेमा

यस गुठीको नाम आईसिटिसि (ICTC) ग्रुप अफ कम्पनीका संस्थापक श्री रामलाल श्रेष्ठ र उनका श्रीमती रुकमणी देवी श्रेष्ठको सम्मानमा राखिएको हो । श्री रामलाल श्रेष्ठले सफलतापूर्वक नेतृत्व गर्दै कम्पनीलाई एउटा सानो स्टेशनरी पसलबाट अहिले नेपालको एउटा ठूलो व्यावासायिक घरानामा परिणत गर्न सफल भएका हुन् ।

यस समुहले कर्पोरेट सामाजिक उत्तरदायित्व (CSR) व्यवसायको विकास जत्तिकै महत्वपूर्ण छ भनेर विश्वास गर्दछ; र यसैले आईसिटिसि (ICTC) राम रुकमणी सहायता निजी गुठी को संस्थापना समूह कम्पनीहरु / शेयरधनीहरु / निर्देशकहरुबाट कर्पोरेट सामाजिक उत्तरदायित्वका गतिविधि संस्थागत गर्न एक महत्त्वपूर्ण कदम हो ।

यस गुठीमा आईसिटिसि (ICTC) समुहका विभिन्न कम्पनीहरूका शेयरधनी/निर्देशकहरूको सक्रिय सहभागिता रहेको छ।

आईसिटिसि (ICTC) समूहको बारेमा: आईसिटिसि (ICTC) समूह वित्त, बीमा, पेय पदार्थ, पाँचतारे होटल विकास, घर जग्गा विकास, उपभोक्ता सामग्री उत्पादन र वितरण, निर्माण, सूचना र सञ्चार सेवा, सफ्टवेयर विकास, ईन्जिनियरिङ र व्यवस्थापन परामर्श सेवा, जलविद्युत विकास, तथा प्रचलित विदेशी कम्पनीहरुलाई नेपालमा प्रतिनिधित्व गर्ने जस्ता विभिन्न व्यवसायिक क्षेत्रहरुमा कार्यरत छ । आईसिटिसि (ICTC) समूह सन् १९७५ देखि ४५ बर्षको सफल व्यवसाय परिचालनमा छ । आईसिटिसि (ICTC) समूह को बारेमा अधिक जानकारी को लागी, कृपया www.ictc.com.np हेर्नु होला ।

प्रारम्भिक वर्षहरू काठमाडौं उपत्यका (काठमाडौं, ललितपुर, र भक्तपुर सहर) मा केन्द्रित हुने भए तापनि यस गुठीका गतिविधिहरू आगामी बर्षहरूमा आवश्यक स्वीकृति लिइ साथ देशका अन्य जिल्लाहरुमा विस्तार गरिनेछ ।